Дар доираи Ҳафтаи инноватсия ва табдилоти рақамӣ дар Тоҷикистон «Рӯзи майдонҳои IT» баргузор гардид, ки ба рушди инфрасохтори истеҳсоли маҳсулоти IT, дастгирии стартапҳо ва таҳкими экосистемаи рақамии кишвар бахшида шуд. Чорабинӣ дар майдонҳои IT Park Душанбе ва TechnoHub Душанбе доир гардида, намояндагони майдонҳои IT, ҳабҳо, коворкингҳо, мактабҳо ва академияҳои IT, бахши хусусӣ, ҷомеаи илмӣ ва саноати стартапҳоро ҷамъ овард.
Чорабинӣ ба муаррифии имконот ва инфрасохтори IT Park Душанбе, таҳкими ҳамкорӣ байни IT-паркҳо, стартапҳо ва сармоягузорон, инчунин ташкили IT-клубе равона шуда буд, ки ҳамаи майдонҳои IT-ро муттаҳид месозад. Иштирокчиён бо лоиҳаҳо ва ташаббусҳои асосӣ, ки дар доираи парки IT амалӣ мешаванд, шинос гардида, дар бораи саҳми онҳо дар рақамисозии иқтисод маълумот гирифтанд. Дар чорабинӣ нақши майдонҳои IT дар эҷоди ҳалли инноватсионӣ барои тиҷорат ва хизматрасониҳои давлатӣ, механизмҳои дастгирии стартапҳо ва ҷалби сармоя ба бахши IT баррасӣ шуданд.
Мавзӯъҳои баромадҳо
Маърӯзакунандагони асосии чорабинӣ аҳамияти рушди майдонҳои IT-ро барои таҳкими экосистемаи рақамии кишвар ва баланд бардоштани рақобатпазирии Тоҷикистон дар арсаи байналмилалӣ арзёбӣ намуданд.
Ҳангоми чорабинӣ нақшаҳои васеъ намудани инфрасохтори майдонҳои IT ва фароҳам овардани шароити мусоид барои фаъолияти онҳо пешниҳод гардиданд.
Натиҷаҳои чорабинӣ
Рӯзи майдонҳои IT ҳамчун платформаи муҳим барои таҳкими ҳамкорӣ байни иштирокчиёни гуногуни экосистемаи рақамӣ баромад намуда, самтҳои нави рушди бахши IT дар Тоҷикистонро муайян сохт.
Майдонҳои IT нақши калидиро ҳамчун катализаторҳои инноватсия ва табдилоти рақамӣ мебозанд ва ояндаи рақамии Тоҷикистонро ташаккул медиҳанд. Рушди онҳо на танҳо ба беҳтар шудани сатҳи зиндагии аҳолӣ мусоидат мекунад, балки асосҳои пешрафти устувори иқтисодии кишварро низ фароҳам меорад.
Ҳафтаи инноватсия ва табдилоти рақамӣ дар Тоҷикистон идома дорад. Агентии инноватсияҳо ва технологияҳои рақамии назди Президенти Ҷумҳурии Тоҷикистон якҷоя бо шарикони худ аз ҳама ҷонибҳои алоқаманд даъват менамояд, дар чорабиниҳои минбаъда, ки ба механизмҳои маблағгузорӣ, финтех, ҳукумати электронӣ, тиҷорати электронӣ, амнияти киберӣ ва Форуми «ТехҶем (малакаҳои рақамӣ)» бахшида шудаанд, иштирок намоянд.
